Psa 79 | VulgJ | STEP | in finem pro his qui commutabuntur testimonium Asaph psalmus victori pro liliis testimonii Asaph canticum

Psalms 79

1 in finem pro his qui commutabuntur testimonium Asaph psalmus ^va 2 qui regis Israhel intende qui deducis tamquam oves Ioseph qui sedes super cherubin manifestare ^va 3 coram Effraim et Beniamin et Manasse excita potentiam tuam et veni ut salvos facias nos ^va 4 Deus converte nos et ostende faciem tuam et salvi erimus ^va 5 Domine Deus virtutum quousque irasceris super orationem servi tui ^va 6 cibabis nos pane lacrimarum et potum dabis nobis in lacrimis in mensura ^va 7 posuisti nos in contradictionem vicinis nostris et inimici nostri subsannaverunt nos ^va 8 Deus virtutum converte nos et ostende faciem tuam et salvi erimus ^va 9 vineam de Aegypto transtulisti eiecisti gentes et plantasti eam ^va 10 dux itineris fuisti in conspectu eius et plantasti radices eius et implevit terram ^va 11 operuit montes umbra eius et arbusta eius cedros Dei ^va 12 extendit palmites suos usque ad mare et usque ad Flumen propagines eius ^va 13 ut quid destruxisti maceriam eius et vindemiant eam omnes qui praetergrediuntur viam ^va 14 exterminavit eam aper de silva et singularis ferus depastus est eam ^va 15 Deus virtutum convertere respice de caelo et vide et visita vineam istam ^va 16 et perfice eam quam plantavit dextera tua et super filium quem confirmasti tibi ^va 17 incensa igni et suffossa ab increpatione vultus tui peribunt ^va 18 fiat manus tua super virum dexterae tuae et super filium hominis quem confirmasti tibi ^va 19 et non discedimus a te vivificabis nos et nomen tuum invocabimus ^va 20 Domine Deus virtutum converte nos et ostende faciem tuam et salvi erimus

^va